ဝက်စ်ဟမ်းနောက်တန်းကစားသမားစာချုပ်သစ်ချုပ်ဆို

ဝက်စ်ဟမ်းနောက်တန်း ကစားသမား ကိုလ်လင်းသည် အသင်းနှင့် စာချုပ်သစ် တစ်ရပ် ချုပ်ဆိုလိုက်ရာ အသင်း၌ ၂ဝ၁၈ ခုနှစ်အထိ ဆက်ရှိနေမည် ဖြစ်ကြောင်း သိရသည်။ အသက်(၃၂)နှစ် အရွယ်ရှိ ဗဟိုနောက်ခံ ကစားသမား ကိုလ်လင်းသည် နွေရာသီ အပြောင်းအရွှေ့ကာလတွင် စာချုပ်သက်တမ်း ကုန်ဆုံးခဲ့ပြီး နှစ်နှစ်သက်တမ်းရှိ စာချုပ်သစ်တစ်ရပ် ချုပ်ဆိုလိုက်ခြင်းဖြစ်သည်။ နောက်တန်းကစားသမား ကိုလ်လင်းသည် ၂ဝ၁၂ ခုနှစ်အတွင်းက ဝက်စ်ဟမ်းအသင်းသို့ ပြောင်းရွှေ့လာခဲ့ချိန်မှ စတင်ကာ ဝက်စ်ဟမ်းအသင်းနှင့် အတူ ပွဲပေါင်း ၁၆ဝ အထိ ပါဝင်ကစားပေး နိုင်ခဲ့သည်။ ကိုလ်လင်းသည် ဝက်စ်ဟမ်းအသင်းသို့ မပြောင်းရွှေ့မီက အက်စ်တွန်ဗီလာ အသင်းတွင် ကစားခဲ့သူဖြစ်သည်။ ဝက်စ်ဟမ်းအသင်းနှင့် စာချုပ် ချုပ်ဆိုခဲ့ပြီးနောက် ဝက်စ်ဟမ်းအသင်း၌ ပျော်ရွှင်မှု ရှိနေခြင်းကြောင့် စာချုပ်သစ်ချုပ်ဆိုလိုက်ခြင်း ဖြစ်ကြောင်း နောက်တန်း ကစားသမား ကိုလ်လင်းက ပြောကြားခဲ့သည်။ ဝေလလက်ရွေးစင် ကစားသမား ကိုလ်လင်းသည် ယခုနှစ်ဘောလုံးရာသီတွင် ဝက်စ်ဟမ်း အသင်းနှင့်အတူ ခုနစ်ပွဲသာ ပွဲထွက်ကစားနိုင်ခဲ့သည်။ သို့ရာတွင် ဝက်စ်ဟမ်းအသင်းတွင် ဝင်းစတန်ရိဒ်၊ တွန်ကင်၊ အိုဘွန်နာတို့နှင့်အတူ ဦးစားပေးကစားသမား လေးဦးအဖြစ် ရွေးချယ်ခံထားရသူဖြစ်သည်။